БИШКЕК, 5-дек. — Sputnik. Өзгөчө кырдаалдар министрлигинин Гидрометеорология боюнча агенттиги 6-декабрдан 10-декабрга чейинкы аба ырайын жарыялады.
6-декабрда түнкүсүн жаан-чачын күтүлбөйт, күндүз кээ бир райондордо жаан, кар жаашы мүмкүн. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге жетиши күтүлөт.
7-8-декабрда көпчүлүк аймактарда жаан, кар жаап, айрым жерлерде жаан-чачын катуу жаашы мүмкүн. Автожолдор тайгак жана тоңголок болуп, тоолуу аймактарда кар күрткүсү күтүлөт. Батыштан сокон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.
9-декабрда түнкүсүн айрым жерлерде, күндүз жана 10-декабрда көпчүлүк аймактарда кар жаашы күтүлөт. Жолдор тоңголок, тайгак болушу ыктымал.
