БИШКЕК, 1-дек. — Sputnik. Кыргызстандын президенти Алмазбек Атамбаев маалымат жыйында "Ата Мекен" фракциясынын лидери Өмүрбек Текебаевдин өлкө башчысына импичмент жарыялоо аракетине баа берди.
Текебаев Баш мыйзам боюнча президент өз ишмердигин баштагандан кийин кайсы бир партияны сүрөөнгө алып колдоого болбой турганын кошумчалаган.
"Күлкү келерлик сөз. Бирок байкап отурсаң айласыздан кейийсиң. Албетте, доктор Апастын да ордун бирөө басыш керек да. Бул жаштар үчүн мыкты сабак: саясаттын аркасы менен акча тапкың келеби, бул үчүн жооп беришиң керек. Анткени, чындык кайдан болсо да кылайып чыгып калат. Эмне дейин? Кыргызстанда ар кандай адамдар көп. Мисалы, Мотуев үйлөнүш үчүн кастинг жарыялаганы мени кубандырды", — деди Атамбаев.
Буга чейин КСДП фракциясынын лидери Иса Өмүркулов импичмент үчүн эч кандай негиз жок экенин билдирген.
