БИШКЕК, 30-ноя. — Sputnik. Эртең өлкө боюнча күн ачык болот деп билдирди ӨКМ Кыргызгидромет кызматына шилтеме берүү менен.
Маалыматтарга таянсак, Бишкек жана Ош шаарларында 8-9 градус жылуу болушу күтүлөт.
Ал эми Чүй, Ош, Жалал-Абад жана Нарын облустарында аба ырайы өзгөрүлүп турат. Жолдор тайгак болуп, муз тоңот. Шамалдын ылдамдыгы секундасына 4-9 метрди түзөт.
30-ноябрдан 3-декабрына чейин күндүн жылышы менен республиканын дарыяларында суунун деңгээли көтөрүлүшү мүмкүн. Андан улам, ойдуң жерлерди суу каптап, муз тоңот.
