БИШКЕК, 29-ноя. — Sputnik. Ошто Кыргызстандын волейбол боюнча кубогу өткөрүлөт. Бул тууралуу Кыргызстандын волейбол Федерациясынын маалымат кызматы билдирди.
Сүймөнкул Чокморовдун элесине арналган волейбол боюнча кубок 30-ноябрдан 4-декабрга чейин эркектер командалары арасында өтмөкчү.
Оюнга волейбол Федерациясынын лицензиясынан өткөн, өлкөнүн ар кайсы облустарынан келген командалар катышат анын ичинде Ош жана Бишкек шаарлары бар.
2015-2016-жылдардагы Кыргызстандын чемпионатынын жыйынтыгына ылайык командалар эки топко бөлүнүп ойношот.
Учурдагы командалардын рейтинги:
- "Жаны Муун"
- "Нацгвардия"
- "Салам-Алик"
- "Бажы"
- "Улар"
- "Жети-Суу"
- "Дархан"
- "Динамо"
- "Ош"
- "Жалын"
- "Кадамжай".
Жогорку лигада мындан сырткары жаңы командалар бар. Алар — "Кара-Балта", "Билим", "Бүркүт", "Аксы".
