БИШКЕК, 28-ноя. — Sputnik. Кыргызстандык спортчулар грек-рим күрөшү боюнча турнирде коло байгеге татыды. Бул туурасында Жаштар иши, дене тарбия жана спорт боюнча мамлекеттик агенттиги билдирди.
Дем алыш күндөрү Баку шаарында эркин күрөш, грек-рим жана аялдар арасындагы күрөш боюнча мелдеш өтүп, ал Азербайжандын улуттук лидери Гейдар Алиевдин жаркын элесине арналган.
Кыргызстандык күрөшчү Руслан Царев
© Фото / United World Wrestling
Бул турнирге 49 мамлекеттен 500 спортчу катышты. Кыргызстандын атынан жети балбан машыктыруучу Азат Эркимбаевдин жетекчилиги алдында катышкан.
Турнирдин жыйынтыгында кыргызстандык Руслан Царев (75 кг. чейин) менен Каныбек Жолчубеков (59 кг. чейин) коло байге тагынышкан.
