БИШКЕК, 25-ноя. — Sputnik. Быйыл жыл башында кыргызстандыктар бир нече күн катары менен эс албайт. Бул туурасында Sputnik Кыргызстан агенттигине Эмгек жана социалдык өнүктүрүү министрлигинин маалымат кызматынан кабарлашты.
Эмгек Кодексине ылайык, 1-январь жекшембиге туура келгендиктен, дүйшөмбү — 2-январь дем алуу күн деп эсептелерин билдирди. Ал эми 3-январда эл ишке чыгат.
Ал эми 7-январь (Иса пайгамбардын туулган күнү) кызыл күн деп белгиленип, бирок, ал ишембиге туура келип, Эмгек Кодексине ылайык, дүйшөмбү — 9-январда эл эс алат.
2015-жылдын башына кыргызстандыктар январдын биринен жетисине чейин эс алган. Экинчи, бешинчи жана алтынча январды өкмөт токтом чыгарып, кийинки үч айдын эс алуу күндөрүн бөлүштүрүп койгон.
