БИШКЕК, 25-ноя.— Sputnik. Ош шаарындагы Ак-Тилек кичи районунда 150 орундуу оорукананын капсуласы салынды. Иш-чарага президенттик аппарат жетекчисинин орун басары Аалы Карашев, Ош шаарынын мэри Айтмамат Кадырбаев, Кытайдын Ош шаарындагы башкы консулу Сун Лицюнь, мекеме-ишканалардын жетекчилери жана шаардыктар катышты.
![Ош шаарындагы Ак-Тилек кичи районунда 150 орундуу оорукананын капсуласы салынды Ош шаарындагы Ак-Тилек кичи районунда 150 орундуу оорукананын капсуласы салынды - Sputnik Кыргызстан](https://sputnik.kg/img/103046/92/1030469219_0:39:1024:683_600x0_80_0_0_8d05f1788b6aa769d5f59f6d6be320b9.jpg)
![Иш-чарага президенттик аппарат жетекчисинин орун басары Аалы Карашев, Ош шаарынын мэри Айтмамат Кадырбаев, Кытайдын Ош шаарындагы башкы консулу Сун Лицюнь, мекеме-ишканалардын жетекчилери жана шаардыктар катышты. Иш-чарага президенттик аппарат жетекчисинин орун басары Аалы Карашев, Ош шаарынын мэри Айтмамат Кадырбаев, Кытайдын Ош шаарындагы башкы консулу Сун Лицюнь, мекеме-ишканалардын жетекчилери жана шаардыктар катышты. - Sputnik Кыргызстан](https://sputnik.kg/img/103046/91/1030469166_0:23:1024:667_600x0_80_0_0_8b633a818cc524b964394cbb35c7f9dd.jpg)
Калаа башчысы Айтмамат Кадырбаев оорукананын курулушунун даярдыгы, жерди даярдоо иштери май айында башталгандыгын айтып, бир гана шаардыктар үчүн эмес жалпы түштүк аймагындагы калкка кызмат кыла тургандыгын белгиледи.
"Ак-Тилек кичи районундагы Кытай мамлекетинин каржылоосу менен курулуп жаткан 150 орундуу оорукананын курулушуна даярдык май айында башталган. Ири долбоордун бүтүшүн 2018-жылдын үчүнчү кварталына пландап жатабыз. Заманбап оорукана үч корпустан туруп, галерея аркылуу бириктирилет. Медициналык жабдуулар, Тез жардам унаалары менен камсыздалат. Бул долбоорго жалпысынан 2 млрд. сомдун тегерегиндеги каражат жумшалат", — деди Кадырбаев.
Белгилей кетсек, Ош комплекстик оорукана КЭР өкмөтү тарабынан кайтарымсыз гранттын эсебинен курулат. Жалпы аянты 25 миң чарчы, сейсмикалык туруктуулугу 1-даража болуп, 9 баллга жеткен жер силкинүүгө туруштук берет. Негизинен имаратка амбулаториялык, стационардык, илимий-изилдөө кеңсеси жана көмөкчү бөлмө кирет. Оорукана 150 бейтапка ылайыкташтырылып, күнүнө 200 бейтапты кабыл алууга мүмкүнчүлүк болот.