БИШКЕК, 13-ноя. — Sputnik. Жусуп Баласагын атындагы Кыргыз улуттук университетинде JashtarCamp-2016 аталышындагы иш-чара өтүп жатканын уюштуруучулар маалымдашты.
Иш-чарада президенттин аппарат башчысынын орун басары Сапар Исаков, Бишкек шаарынын мэри Албек Ибраимов, медицина илимдеринин доктору Эрнст Акрамов, ырчы Жийдеш Идирисова, депутат Жанар Акаев өңдүү 20дан ашык беделдүү адамдар ийгилик сырлары менен бөлүшөт.
"Конференциянын максаты — жаштардын башын бириктирүү жана потенциалын жогорулатуу. Негизги идея жаштар кайсы багытта иш алып барбасын, ийгиликке жетип өз айылына, районуна, шаарына жана өлкөсүнүн өнүгүүсүнө салым кошо алат деген ишенимди күчөтүү", — деди уюштуруучулар.
Мындай иш-чаралар өткөн ишембиде Токмок, Балыкчы, Баткен, Жалал-Абад шаарларында өткөрүлгөн. Эми Бишкектен тышкары Каракол, Талас жана Ош шаарларында да уюштурулат.
