БИШКЕК, 10-ноя. — Sputnik. Вице-премьердин милдетин аткаруучу Жеңиш Разаков №61 мектепте жабыр тарткан окуучунун энеси Элмира Исаева менен жолукту. Бул тууралуу өкмөттүн маалымат кызматы билдирди.
Разаков Бишкек мэриясынын билим берүү башкармалыгы тарабынан атайын комиссия түзүлгөнүн жана учурда окуя боюнча иликтөө иши жүрүп жатканын баса белгиледи.
"№61 мектепте орун алган чатак мыйзам алкагында каралып, тийиштүү чаралар көрүлөт", — деди Разаков.
Эске салсак, үстүбүздөгү жылдын 9-ноябрында Жогорку Кеңештин жыйынында депутаттар премьер-министрдин милдетин аткаруучу Сооронбай Жээнбековго №61 мектептин окуучусу Ырыскелди Осмоновдун катышуусундагы чатакка байланыштуу окуяны көзөмөлгө алуу маселеси менен кайрылышкан.
