БИШКЕК, 10-ноя. — Sputnik. "Демократия жана жарандык коом үчүн коалиция" бейөкмөт уюмунун сурамжылоосунун натыйжасында Кыргызстан элинин жарымы Конституцияга киргизилип жаткан өзгөртүүлөр тууралуу маалымдар эмес экени белгилүү болду.
"Бейөкмөт уюмдун кызматкерлери 18 жаштан 24 жашка чейин жана 35 жаштан 54 жашка чейинки курактагы орто жана жогорку билимдүү адамдардан телефон аркылуу сурамжылоо жүргүзүшкөн. Ага иштерине Бишкек жана Ош шаарынын жана жети облустун тургундары катышкан", — деп белгиленет иликтөөнүн жыйынтыгында.
Калктын 44 пайызы Конституцияга өзгөртүү киргизүүнү колдой турганын айткан. Жашоочулардын 33 пайызы эч нерсе билбей турганын айтса, 47 пайыз тургун бул тууралуу укканын, бирок кенен маалыматы жок экенин билдирген.
Сурамжылоо иштери үч уюлдук оператор аркылуу октябрдын аягында жүргүзүлдү.
