Дастан Бекешев: желим стакандагы аракты сатууга айрым депутаттар каршы чыкты
Бекешев акыркы статистикалык маалыматтарга таянып, аялдар менен жаш балдар спирт ичимдиктерин көп ичип жатканын жүйө келтирди.
"Мен статистиканы карап көрдүм, тилекке каршы, аялдар көп ичип баштады. Бул абдан жаман нерсе. Ошондой эле өспүрүмдөр да сыраны жай айында көп ичип баштайт экен. Куюп сата турчу жерлерден литрлеп алышат", — деди ал.
Эл өкүлү 100 граммдык желим стаканга куюлуп сатылган аракты сатыктан алуу сунушуна айрым депутаттар каршы чыкканын кошумчалады.
