БИШКЕК, 9-ноя. — Sputnik. Токтогулда жол кырсыгы катталып, Тажикстандын 53 жаштагы жараны каза болгонун ӨКМ билдирди.
Маалыматка ылайык, окуя Ош — Бишкек жолунун 731-чакырымында болгон. Мында айдоочу рулду башкара албай, россиялык номер тагылган DAF унаасы жолдон чыгып ташты сүзгөн. Айдоочу ошол жерден мерт кеткен.
Кырсык болгон жерге келген куткаруучулар анын сөөгүн чыгарып, милиция кызматкерлерине өткөрүп берген. Ал эми унаанын ичиндеги маркумдун баласы менен дагы бир жүргүнчү Токтогул райондук ооруканага жеткирилди.
