Белгилүү актер Азиз Мурадиллаев учурда абалы стабилдүү экенин айтып, чыгармачылыкка аралашайын деп жатканын Sputnik Кыргызстан маалымат агенттигине билдирди.
"Учурда абалым жакшы. Кайрадан чыгармачылыкка аралаша баштадым. Физикалык жактан оорчулук жаратпаган жеңил репетицияларга катышып жатам. Оор абалда колдоого алган мекендештерге ыраазычылык билдирем", — деди Мурадиллаев.
Ал ошондой эле жакынкы аралыкта күйөрмандар жаңы спектаклге күбө боло алышарын белгиледи.
"Сүймөнкул Чокморовдун элесине арналган спектакль даярдалып жатат. Анда мен Чокморовдун досунун ролун жаратам. Спектаклди көргөндөр мени терс каарман катары кабылдашы мүмкүн. Спектакль 24-ноябрда "Фрунзе" ресторанында коюлат", — деди Мурадиллаев.
"Москвадан келгенден бери дарыланууну таштаган жокмун. Операциядан бардык эле адам корксо керек. Андыктан бычаксыз эле сакаюуга үмүт артып турам", — деп билдирди актер.
Мурадиллаев "көпчүлүктүн батасы тийсе оңолуп кетермин" деп кошумчалады.
