БИШКЕК, 1-ноя. — Sputnik. Бүгүн кыргыз милициясы 92 жылдыгын белгилеп жатат. Кыргызстан эгемендүүлүк алгандан тарта кыргыз милициясын — Ички иштер министрлигин 19 генерал жана эки полковник жетектептир.
Sputnik Кыргызстан бул даталуу күнгө карата Ички иштер министрлигин башкарган генералдарды тизмектеп чыгууну эп көрдү.
Бул кызматта эң узак төрт жыл, эң кыска бир күн жетектеген министрлер болгон.
Бул системаны узак башкарган Өмүрбек Кутуев, ал эми эң аз, тагыраагы бир күн башкарган Акаевдик бийликтин акыркы күндөрү 23-24-мартта дайындалган – Кеңешбек Дүйшөбаев.
Тизмектей келсек, бизге тарыхый сандар төмөнкүлөрдү айтып берди. Булардын ичинен бир нече айлап министрлик кызматта отургандар Темирбек Акматалиев, Шамил Атахановдор полковник чини менен келген.
