БИШКЕК, 1-ноя.— Sputnik. Январь-сентябрь айларынын аралыгында салык кызматынын 22 кызматкери жоопко тартылды. Бул тууралуу Мамлекеттик салык кызматынын маалымат бөлүмү билдирди.
Мындай көрүнүш салык кызматына келип түшкөн жарандардын даттанууларынан улам болууда.
"Тогуз кызматкедин ичинен бирөөнө эскертүү берилсе, төрт адам катуу сөгүш алып, сегиз кызматкергне сөгүш жарыяланды. Ал эми тогуз салыкчы сынга алынды", — деп айтылат маалыматта.
Үстүбүздөгү жылдын тогуз айынын аралыгында Мамлекеттик салык кызматына түрдүү кайрылуу менен 177 адам даттанган. Анын ичинде 63 электрондук кат келген. Ал эми жергиликтүү салык кызматтарына 64 кайрылуу түшүп, анын 18и электрондук вариантта болгон.
Мындан сырткары, эмгек жана кызмат келишимин бузганы үчүн тогуз кызматкер жоопко тартылды. Алардын үчөөнө катуу сөгүш жарыяланса, экөө сөгүш алып, төрт кызматкерге эскертүү берилген.
