Бакыт Бакетаев: министрлердин жарымы кызматтан кол жууйт
Министрлердин жарымы кызматтан кол жууйт. Мындай божомолду Sputnik Кыргызстан агенттигине саясий серепчи Бакыт Бакетаев билдирди.
"Сооронбай Жээнбековдун иштегенине сегиз ай болду. Андыктан ал калат окшойт. Нааразычылыктар көп айтылган билим берүү жана илим министри кызматтан кетти. Мындан сырткары, транспорт жана жол, юстиция, айыл чарба, ички иштер министрлери алмашат. Ошентип министрлердин жарымы кызматтан кетет. Негизи алар жакшы иштеген жок", — деди Бакетаев.
Эске сала кетсек, Жогорку Кеңештеги көпчүлүк коалициясы тарап, өкмөттүн курамы кызматтан алынган.
