Учурда өрттүн канча аймакты каптагандыгы такталып жатат.
БИШКЕК, 26-окт. — Sputnik. Борбор калаада Целиноград-26 көчөсүндө жайгашкан "Таатан" соода борборунда өрт чыгып, аны өчүрүү үчүн төрт автоунаа чыгып кетти. Бул туурасында ӨКМдин маалымат кызматынан кабарлашты.
Окуяга күбө болгондор тилсиз жоо каптаган жер — аталган соода борбордун пластикалык товарларды сактаган кампа экендигин айтышты.
"Өрт чыкканы боюнча маалымат саат 19:07де келип түштү. Тилсиз жоо 300-350 чарчы метр аймакка жайылган", — деп билдиришти министрликтин Өрткө каршы кызматынан.
Окуяга күбө болгондор тилсиз жоо каптаган жер — аталган соода борбордун пластикалык товарларды сактаган кампа экендигин айтышты.
ӨКМден өрт чыккан жерде Бишкек шаардык башкармалыгынын ыкчам тобу жана Бишкек шаардык куткаруу кызматы иш алып барып жатканын кошумча кабарлашты.
