БИШКЕК, 26-окт. — Sputnik. Ирак менен Сириядан өз өлкөсүнө кайтып келүүнү каалаган "Ислам мамлекетинин" террорчуларын кайдан болбосун табуу үчүн зарыл болгон бардык кадамдарды жасоо керек. Бул туурасында Франция лидери Франсуа Олланд билдиргенин РИА Новости жазды.
"Учурда Мосул жана Ракка шаарында жүргөн чет элдик согушкерлер боюнча абдан кыраакы болушубуз керек. Алар балким, мекенине кайткысы келеттир", — деди Олланд Парижде эл аралык коалициянын Коргонуу министрлеринин жыйынында.
Франция президенти "Ислам мамлекети" кайда болбосун жаңы жардыруулар менен соккуларды жасоого аракет кыларын белгиледи.
Ал бардык чалгын кызматтарынын ишин координациялап, терактылардын алдын алуу болуп көрбөгөндөй маанилүү экендигин айтты.
