БИШКЕК, 26-окт. — Sputnik. "Сколковдогу инновациялык ачылыштар" форумунун пленардык жыйыны өтүп жаткан жайда бир нече жолу жарылуунун үнү угулгандан кийин токтотулганын РИА Новости маалымат агенттиги билдирди.
Жыйынга Россиянын премьер-министри Дмитрий Медведев, вице-премьер Аркадий Дворкович, өкмөт өкүлдөрү менен ишкерлер катышып жаткан.
Катуу үн чыккандан кийин алып баруучу жыйындын катышуучулары менен конокторун залдан чыгууга чакырган. Премьер-министр баштаган делегация дагы залдан чыгып кеткен.
Сколковонун өрт коопсуздугу кызматынын өкүлдөрү электр зымдарында чыңалуу болгонун айтышты. Алдын ала маалыматтар боюнча имараттын төбөсү күйгөнү кабарланууда.
