БИШКЕК, 22-окт. — Sputnik. Өзбекстанда расмий түрдө катталып, президенттик шайлоого катыша турган төрт саясий партия талапкерлеринин документтерин Борбордук шайлоо комиссиясына (БШК) тапшырды. Бул туурасында РИА Новости жазды.
Эске сала кетсек, буга чейинки президент Ислам Каримов 78 жашында көз жумуп, такты бош калган. Ал эми өлкө башчылыктын милдетин убактылуу Шавкат Мирзиёев аркалоодо. Ал буга чейин өкмөттү жетектеп келген. Мындан кийин президенттик шайлоо өлкөдө 4-декабрга белгиленип, талапкерлер 30-сентябрдан тартып 20-октябрга чейин каттоодон өтүшү керек.
"Ишемби күнү Өзбекстандын Либерал-демократиялык партиясынын президенттик шайлоого катыша турган талапкери – Өзбекстандын президентинин милдетин аткарып жаткан премьер-министр Шавкат Мирзиёев талапкерлигин каттоо үчүн бардык документтерин расмий түрдө тапшырды", — деп билдирди БШКнын жетекчиси.
Андан мурда дагы үч — Улуттук-демократиялык "Миллий тикланиш" ("Улуттук жаралуу") Сарвар Отамурадовду, социалдык-демократиялык "Адолат" ("Адилет") Наримон Умаровду жана Өзбекстандын элдик демократиялык партиялары Хотамжан Кетмоновдун — талапкерлигин каттоо боюнча БШКга документтерин тапшырган.
Аталган партиянын өкүлдөрү алардын талапкерлигин саясий бирикмелеринин курултайында бекитилгендигин билдиришкен.
Буга чейин өлкөнүн расмий түрдө катталган төрт партиясы жыйын өткөрүп, анда президенттик шайлоого катышуунун шарттары кабыл алынган.
