БИШКЕК, 21-окт. — Sputnik. "Ата Мекен" фракциясы Асия Сасыкбаеванын талапкерлигин Социалдык өнүгүү жана эмгек министри кызматына көрсөтүп жатканын аталган фракциянын маалымат кызматы билдирди.
Эскерте кетсек, аталган кызматты ээлеп келген Кудайберген Базарбаев андан 11-октябрда бошотулган. Экс-чиновник жумушунан өз ыктыяры менен кетип жатканын айткан.
"Ата Мекен" фракциясы мындай чечим парламенттик көпчүлүктүн коалициялык макулдашуусуна ылайык кабыл алынганын белгиледи.
