БИШКЕК, 20-окт. — Sputnik. Республикалык партиянын атынан АКШнын президенттигине талапкер Дональд Трамп Россия президенти Владимир Путин Хиллари айымга караганда акылдуу болгону үчүн Клинтон аны жаман көрөрүн билдирди. Бул тууралуу РИА Новости жазып чыкты.
"Путин Клинтонго караганда ар бир кадамын акылдуулук менен жасагандыгы үчүн бул айым аны жаман көрөт", — деген пикирин Трамп теледебат учурунда билдирди.
Белгилей кетсек, кечээ президенттикке талапкерлердин үчүнчү жана акыркы дебаты болуп өттү.
"Биз алты триллион доллар сарптадык. Ал эми алар (Россия — ред.) Жакынкы Чыгышты басып алды!" — деди Трамп.
Талапкер алты триллион долларды АКШ кайда жумшагандыгын тактаган жок.
