БИШКЕК, 15-окт — Sputnik. Багдадда шиттер сыйынып жаткан учурда жан кечти жардыруу уюштуруп, 17 киши каза тапты. Бул туурасында РИА Новости Рейтер агенттигине шилтеме берип билдирди.
Каза тапкандардан сырткары 50гө чукул киши жарадар болгон. Жардыруу шаардын түндүк тарабындагы Шааб деп аталган райондо жасалган. Ал жердеги базарга чатыр тигилип, Мухаммед пайгамбардын имамдарынын бирин эскерүү уюштурулган. Маалыматтарда террорчу ал жерге кирип барып, теракт жасаган.
Бул окуянын жоопкерчилигин эч бир уюм мойнуна ала элек. Адатта, шииттерге карата "Ислам мамлекети" террордук уюмунун өкүлдөрү жардырууларды жасап келет.
