БИШКЕК, 13-окт. — Sputnik. Таиланддын королу Пхумипхон Адулъядет (Рама тогузунчу) 89 жашында каза болду. Бул тууралуу РИА Новости билдирди.
Маалыматка ылайык, ал Бишкек убактысы боюнча саат алтыда ооруканада каза болгон.
Пхумипхон Адулъядет Таиландда 1946-жылдан бери король болуп келген. Европадан билим алган монарх улуттук ирригациялык система куруу боюнча демилге көтөрүп, анын ишке ашуусун өзү көзөмөлдөгөн. Анын бул аракетинен улам өлкө дүйнөгө күрүчтү экспорттоо боюнча биринчи орунга чыккан.
Анын демилгеси менен өлкөдө сүт берүүчү малдын саны көбөйтүлгөн. 1960-жылдан бери мектеп окуучуларына сүт берилип келген.
