Түркия менен Россия "Түрк агымы" келишимине кол койду

БИШКЕК, 11-окт. — Sputnik. Россия менен Түркия газ түтүктөрүн куруу боюнча өкмөттөр аралык "Түркия агымы" деген келишимге кол койгонун РИА Новости жазып чыкты.  

Владимир Путин менен Тайип Эрдогандын катышуусунда документке Россиянын энергетика министри Александр Новак жана Түркиянын энергетика жана жаратылыш ресурстары боюнча министри Берат Албайрак кол койду. 

Буга чейин "Газпромдун" жетекчиси Алексей Миллер аталган келишим аркылуу Кара деңиздин алды менен өткөн магистралдык газ түтүктөрү курулары ыктымал экенин айткан. Ар бир түтүк 15 миллиард 750 миллион куб метр газ өткөрүүгө жөндөмдүү экени белгиленген. Бир түтүк аркылуу газ Түркия рыногуна жеткирилсе, экинчиси Түркия аймагы аркылуу Европа мамлекеттерине экспорттолот. Өкмөттөр аралык келишимде аталган түтүктөр 2019-жылы курулуп бүтүүсү керек экени көрсөтүлгөн. 

Стамбулдагы жолугушууда Путин менен Эрдоган эки тараптуу мамилелерди жөнгө салуу процессин улантуу боюнча макулдашууга келишти. Мындан тышкары өлкө башчылары Сириядагы абал менен аскерий кызматташуу маселелерин талкуулашты. 

"Газпром" менен Түркиянын Botas компаниясы 2014-жылдын декабрь айында газ түтүктөрүн курууга багытталган "Түркия агымы" долбоору боюнча өз ара түшүнүшүү меморандумуна кол койгон. 660 чакырымды түзгөн газ түтүгү "Түштүк агымды" көздөй кетсе, 250 чакырымы Түркиянын европа тарабын көздөй багытталат.