БИШКЕК, 10-окт. — Sputnik. Ош облусунда 2012-жылдан бери төрөттөн каза болгон аялдардын эки эсеге азайганын Саламаттык сактоо министрлиги билдирди.
Жума күнү Ошто "Ден соолук" улуттук программасынын ишке ашуусу жана ийгиликтери талкууланган иш-чара өткөн.
"Ош облусунун координатору Элмира Нарматованын айтымында, акыркы беш жылда эне өлүмү барган сайын азайып бара жатат. Төрөт учурундагы өлүмдү кыскартуу үчүн "Жол картасы" иштелип чыгып, жыйынтыкка негизделген саламматык сактоо уюмдарын каржылоо долбоору иштелип чыккан", — деп айтылат билдирүүдө.
Муну менен бирге аталган министрлик медицинадагы көйгөй катары дарыгерлердин басымдуу бөлүгү пенсия курагында экенин, төмөнкү айлык акы жана кесипкөй кадрлардын сыртка агымын атады.
