БИШКЕК, 7-окт. — Sputnik. Кыргыз улуттук университетинин алдындагы гуманитардык лицейдин студенттерине экстремизмге каршы лекция окулду. Бул тууралуу муфтияттан билдиришти.
Маалыматка ылайык, лекцияны студенттерге Кыргызстан мусулмандар дин башкармалыгынын үгүт-насаат бөлүмүнүн башчысы Билалидин ажы Сайпиев өттү.
"Студенттерге экстремизм, терроризм, ар кандай терс агымдар жана адеп-ахлак темасында атайын лекция окулуп, кенен маалыматтар берилди. Адистер тарабынан студенттерге пайдалуу кеп-кеңештер айтылды", — деп жазылат маалыматта.
Аталган иш-чара Кыргыз улуттук университетинин алдындагы гуманитардык лицейи тарабынан уюштурулган.
