"Кыргызстан — кыска метраждуу тасмалардын өлкөсү" сынагы билдирме кабыл алууда

© Sputnik / Артем Житенев / Медиабанкка өтүүКинопленка, архивдик сүрөт
Кинопленка, архивдик сүрөт - Sputnik Кыргызстан
Жазылуу
Фестиваль 12-15-декабрда Бишкек шаарында өтөт.

БИШКЕК, 7-сен. — Sputnik. КМШ мамлекеттеринин, Балтика жана Грузиянын 6-эл аралык "Кыргызстан — кыска метраждуу тасмалардын өлкөсү" кинофестивалына билдирмелерди кабыл алуу 10-ноябрга чейин уланат. Бул тууралуу "Айтыш-фильм" киностудиясы билдирди.

Маалыматка ылыйык, фестиваль 12-15-декабрда Бишкек шаарында өтөт.

Кинофестиваль замандап киноиндустрияда кыска метраждуу тасмалардын актуалдуулугун жайылтууну көздөйт. 

Манас. Саякбай. Чыңгыз. Көл жээгинде Саякбайтасмасын тартуу аяктап калды - Sputnik Кыргызстан
Элдар Айтматов атасынын ролунда. Көлдө "Саякбай" тасмасы тартылып жатат
Бул маданий иш-чара КР Маданият, маалымат жана туризм министрлиги, КР Кинематографисттер союзу жана "Айтыш" коомдук фонду тарабынан уюштурулууда. Фестиваль белгилүү жазуучу Чыңгыз Айтматовдун жаркын элесине арналат.

Тасмалар эл аралык жана улуттук программа боюнча тандалат. Алардын ичинде оюн тасмасы, даректүү тасма, анимациялык жана эксперименталдык жанрлары да бар.

Эл аралык программа боюнча КМШ, Балтика жана Грузия мамлекеттеринен (Армения, Азербайжан, Белоруссия, Грузия, Латвия, Литва, Молдова, Россия, Тажикстан, Түркмөнстан, Өзбекстан, Украина, Казакстан, Кыргызстан, Эстония) 15 тасма тандалат. Ал эми улуттук программа боюнча 2015-2016-жылдары Кыргызстанда тартылган 10 кыска метраждуу тасма ат салышат.

Фестивалдын жыйынтыгы менен "Мыкты тасма", "Мыкты режиссура", "Калыстардын атайын байгеси", "Көрүүчүлөрдүн сүймөнчүгүнө арзыган байге" номинациялары боюнча наамдар ыйгарылып, акчалай сыйлыктар тапшырылат. Жеңүүчүлөр 15-декабрда жарыяланат.

Жаңылыктар түрмөгү
0