БИШКЕК, 6-окт. — Sputnik. Интернетке болгон баа мурункудай эле калат. Бул тууралуу Монополияны жөнгө салуу боюнча мамлекеттик агенттигинин жетекчиси Болсунбек Казаков маалымат жыйын учурунда билдирди.
Маалыматка ылайык, кечээ, 5-октябрь күнү кыргыз тарап казакстандык интернет операторлор менен жолуккан.
"Жолугушуу учурунда казакстандык операторлор интернетке болгон бааны мурункудай калтырмай болду. Анткен менен баанын түшкөнү байкала элек. Жакынкы күндөрү 1 мегабитти 10-15 долларга чейин арзандатуу каралууда", — деди Казаков.
Эске сала кетсек, казак тарап август айынан тарта интернеттин баасы көтөрүлөөрүн айтып, биздин провайдерлер бул тууралуу колдонуучуларды эскерткен.
