БИШКЕК, 5-окт. — Sputnik. Белгилүү мобилдик WhatsApp мессенджери өзүнүн камерасына жаңы мүмкүнчүлүктөрдү кошту. Бул тууралуу Британиянын The Independent агенттиги билдирет.
Жаңы функциялар фото жана видео жазууга же сүрөт тартууга мүмкүнчүлүк берет. Мындан сырткары, бул кеңейтүү смайл жана стикерлерди кошууга, тексттерди ар түрдүү ыкмада калтырууга жол берет. Ошондой эле программаны иштеп чыккандар тартуу учурунда кадрдын чен-өлчөмүн которуу функциясын киргизишти.
Бул мүмкүнчүлүктөр фото жана видеолорду алмашууга мүмкүндүк берген Snapchat функциясына окшош. Басылма кабарлагандай, азырынча бул мүмкүнчүлүктөр менен Android телефондорунун ээлери колдоно алат, iOS-версиясын колдонуучуларына болсо жакынкы арада сунушталат.
