БИШКЕК, 5-окт. — Sputnik. Sputnik Кыргызстан маалымат агенттиги жана радиосунун жетекчиси Елена Череменина менен порталдын башкы редактору Эрнис Алымбеков Бишкектеги эки окуу жайдын студенттерине жаңылыктар кантип жасаларын айтып, заманбап медианын иштөө жолдору менен тааныштырышты.
Эл аралык университет менен Кыргыз-орус славян университетинин студенттерине редакция боюнча экскурсия менен презентация бейшемби күнү болуп өттү.
Болочок журналисттер Sputnik Кыргызстан агенттигинин мисалында заманбап медиаформат менен таанышып маалымат борбордун жогорку технологиялык мүмкүнчүлүктөрүнө күбө болушту. Ошондой эле агенттиктин эң резонанстуу долбоорлорунун бири болгон "Ажайып Кыргызстан" жана "Sputnik менен бирге эс ал" тематикалык лонгриди менен таанышышты.
Ал эми агенттиктин жетекчиси Елена Череменина Sputnik Кыргызстан жаш журналисттер менен тажрыйба бөлүшүүгө даяр экендигин белгиледи.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.
