БИШКЕК, 28-сен. – Sputnik. Токтогул районунда бүгүн таңкы саат 5.50дө Mercedes-Benz 814 үлгүсүндөгү жүк ташуучу унаа оодарылып кеткенин ӨКМ билдирди.
Маалыматка ылайык, айдоочу рулду башкара албай, машина жолдон чыгып кеткен. Кырсыктан үч адам оор, дагы эки жүргүнчү жеңил жаракат алган.
Окуя болгон жерге барган куткаруучулар жабыркагандарды унаадан чыгарып, Тез жардам кызматына өткөрүп беришкен.
