БИШКЕК, 28-сен. — Sputnik. Казакстандык продюсер, ырчы жана теле алып баруучу Баян Есентаева Индиянын ибадатканасында ыктыярчы болуп иштеп жатканын Sputnik Казакстан жазып чыкты.
Буга чейин социалдык түйүндөрдө ал Индияга өзүнүн ден соолугу толугу менен текшертип келмекке кеткени жарыяланган болчу.
Бир күн мурда Есентаева өзүнүн Instagram тармагындагы расмий баракчасына ибадатканада иштеп жатканын жазды.
"Индияда калып ибадаткананда ыктыярчы болуп иштөөнү чечтим. Бир күндө 15 миң адамга тамак берип жатабыз", — деп маалымдады ал.
Баян Есентаева 10-июнда бычактан жаракат алып бейтапканага жаткырылган. Аны бычактоого шектелип күйөөсү Бахытбек Есентаев кармалган. Адегенде ага "адам ден соолугуна оор залал келтирүү" беренеси боюнча айып тагылып, кийинчерээк "өлтүрүү үчүн кол салуу" беренеси менен алмаштырылган.
Буга чейин аталган кылмыш иши боюнча соттук отурум болду.
Бул окуядан кийинки өзүнүн алгачкы маегинде Есентаева сол жаагы жакшы иштебей калганын, экинчи даражада контузия алып, көзүнүн көрүүсү начарлаганын айткан.
