БИШКЕК, 28-сен. —Sputnik. Депутаттар мектептерди беш күндүк окуу жумалыгына которуу демилгесин сунушташты. Аталган мыйзам долбоору эл өкүлдөрү Дастан Бекешов, Марат Аманкулов, Элвира Сурабалдиева, Рыскелди Момбеков, Каныбек Иманалиевдер тарабынан иштелип чыгып, коомдук талкууга коюлду.
Демилгечилер бул сунуш ишке ашса, окуучуларга жеңил болуп, мугалимдердин эс алуусу узара турганын айтышууда.
Мыйзам долбоору кабыл алынса, негизги жалпы билим алуучу окуучулар 2017-жылдын 1-сентябрынан, ал эми орто жалпы билим алуучу окуучулар 2018-жылдын 1-сентябрынан тартып аптасына беш күн окуй башташат.
