БИШКЕК, 23-сен. — Sputnik. Татарстандын муфтияты Болгардагы ак мечиттин фонунда бий коштолгон клипти алдырып салууга болгон аракетин жумшайт. Ал клипте ырчы кыз Резеда Ганиуллина денесин айрым мүчөлөрү көрүнгө чыгыш кийиминде тартылган. Бул тууралуу РИА Новости Татарстандын муфтийдин орун басары Рустам Батровдун берген маалыматына шилтеме кылып жазып чыкты.
Бир нече күн мурун чыккан Ганиуллинанын бул клиби Интернетте көптөгөн адамдардын нааразычылыгын туудурган. Айрым колдонуучулар "ырчы татар элин уят кылып жатат", "бул клип кудай үйүнүн фонундагы стриптиз" деп чыгышты.
"Биз бул клипти социалдык тармактардан алып салуу талабын коебуз. Ал эми эфирден клип алынды", — деди Батров.
Ырчы кыз Контакт социалдык тармагындагы баракчасына "эгер бул клип кимдир бирөөнүн сезимине доо кетирген болсо, кечирим сурайм" деп жазган. Ал эми Ганиуллина өзүнүн кийген кийими тууралуу ал анын сахнадагы образы экендигин жана бий – бул стриптиз эмес, көркөм чыгарма экенин баса белгилеген.
