БИШКЕК, 23-сен. — Sputnik. Сауд Аравия падышачылыгында (САП) Кыргызстандын маданият күндөрү өтөт. Бул тууралуу КРнын тышкы иштер министрлигинин маалымат кызматы кабарлады.
КРнын элчиси Абдилатиф Жумабаев Сауд Аравиясынын маданият жана маалымат министри Абдалла Аль-Ахмари менен жолугуп, иш-чаранын программасынын долбоору талкууланды. Маданият күндөрүнүн так датасы азырынча белгисиз.
Иш-чаранын алкагында кыргыз өнөрпоздорунун концерти, тасмалар тартууланып, туристтерге арналган көргөзмө-жарманке уюштурулат.
