БИШКЕК, 23-сен. — Sputnik. Кылмышкерлер өлкөдөн Кытай, Тайвань, Гонконг жана Австрияга 81,9 миллион сом алып чыгып кетишкен. Бул тууралуу Экономикалык кылмыштарга каршы мамлекеттик агенттиги билдирди.
Маалыматка ылайык, үстүбүздөгү жылдын март айынан майга чейин белгисиз ишкананын эсебине аталган суммадагы акча которулган. Ал фирма каражатты чет өлкөгө которуп турган.
Ошентип мыйзамсыз аракеттердин арты менен мамлекетке салык төлөбөгөндүгү үчүн 6 миллион сом зыян келтирилген.
Ыкчам иликтөөнүн арты менен ишкананын директору колго түшүп, тергөө иштери башталды.
