БИШКЕК, 19-сен. — Sputnik. Борбор калаада КМШнын саммити өтүп жаткан учурда айдоочу милиция кызматкерин сүзүп кеткен. Бул тууралуу борбордук милициянын маалымат кызматы кабарлады.
Милиция кызматкери айдоочуга бул жерге унаа токтотууга уруксат болбостугун эскерткенде, ал милиция кызматкерин сөгүп баштаган.
"Айдоочу ачууга алдырып, милиция кызматкеринин бутун тебелетип кеткен. Жыйынтыгында кызматкер ооруканага жеткирилген. Медиктер айдоочунун буту катуу жаракат алгындыгын айтышты. Жетип келген милиционерлер автомашинаны унаа токтотуучу жайга, ал эми айдоочуну Биринчи Май райондук Ички иштер башкы башкармалыгына салып кетишкен", — деп милициядан кабарлашты.
Тергөөчү КРдин Кылмыш жаза кодексинин "Бейбаштык" беренеси боюнча кылмыш ишин козгоду. Кармалган киши 36 жаштагы Жалал-Абад облусунун Токтогул районунан экендиги белгилүү болду. Ал киши камакка алынып, иликтөө иши башталды.
