БИШКЕК, 19-сен. — Sputnik. Жайкы туристтик маалда Бишкек — Каракол жолунда 322 жол кырсыгы катталып, ал 2015-жылга салыштырмалуу 5,2 пайызга аз болгонун Жол кайгуул милициясынын башкы башкармалыгынан билдиришти.
Маалыматка ылайык, жол кырсыгынан каза болгондордун саны 36,5 пайызга азайган.
"2015-жылы жол кырсыгынан 82 киши каза болсо, быйыл 52 киши ажал тапкан. 595 киши түрдүү жаракаттарды алган", — деп айтылат маалыматта.
Кайгуул милициясы жол кырсыгы негизинен катуу ылдамдыкта айдоодон улам келип чыгарын айтат. Ошондой эле жолдон туура эмес бурулуу, мас абалында автоунаа айдагандан болору белгиленген.
