БИШКЕК, 16-сен. — Sputnik. Жума аягында өлкө боюнча жылуу аба ырайы сактала турганын ӨКМ билдирди.
Ишемби күнү Бишкек шаарында ала-булут каптап, жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, 14 метрге жетет. Абанын түнкү төмөнкү температурасы 15…17 градус, күндүзгү жогорку температурасы 28…30 градус жылуу болот.
Республиканын калган аймагында жаан-чачын күтүлбөйт, күндүз Чүй, Талас, Жалал-Абад, Ысык-Көл, Нарын облустарынын айрым жерлеринде өткүн өтүп, күн күркүрөшү, бийик тоолуу райондордо кар жаашы күтүлөт, калган аймактарда жаан жаабайт.
18-19-сентябрында кээ бир тоолуу райондорунда жаан жаап, күн күркүрөшү, бийик тоолуу райондордо кар жаашы күтүлөт, калган аймактарда жаан-чачын болбойт.
Ал эми 20-21-сентябрда жаан-чачын болбойт. Абанын температурасы дээрлик өзгөрүлбөйт.
