БИШКЕК, 13-сен. — Sputnik. Жалал-Абад шаарында катталган жол кырсыгынан бир киши каза болуп, үч киши түрдүү жаракаттарды алганын ӨКМдин маалымат кызматы билдирди.
11 Аяк оона 2016, 23:15
Ага ылайык, жол кырсыгы 12-сентябрда саат 15:30дар чамасында Шор-Булак тилкесинде катталган. Анда Audi үлгүсүндөгү унаа менен Volkswagen Golf машинасы кагышкан.
Окуя болгон жерге ӨКМдин куткаруучулары барып, жаракат алган эки адамга алгачкы медициналык жардам көрсөтүшкөн.
Каза болгон жана жабыркаган адамдар Тез жардам кызматы тарабынан Жалал-Абад облустук ооруканага жеткирилген.
