БИШКЕК, 8-сен. — Sputnik. Кунан чабышта Нарындын Тайтору күлүгү алдына ат салдырган жок. Бул тууралуу кабарчыбыз жеринен билдирди.
Ал эми экинчи орунду Жалал-Абаддын Каракөз күлүгү алса, үчүнчү орунду Ысык-Көлдүн Сантанико аты илип кетти. Марага биринчи болуп келгендерди "Аргымак" федерацисынын президенти Болот Тыналиев сыйлады.
Мындан тышкары, эки күлүк жарыштан четтетилди.
Көчмөндөр оюндарынын алкагында өтүп жаткан кунан чабышта 28 күлүк 11 чакырымга чуркады.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.
