ЧОЛПОН-АТА, 8-сен. — Sputnik. Көчмөндөр оюнунун алкагында өткөн түздөктөгү ат чабыш боюнча биринчи орунду казакстандык күлүк алды. 1 мүнөт 44 секундда келген аргымак Петр Карабельниковго таандык болсо, жарышта Эдил Хусейинов чаап, мыкты аталды.
Экинчи орунду Польшадан келген күлүк ээлесе, үчүнчү орунду Кыргызстандын "Капаган" аттуу аргымагы алды.
Казакстандык чабандес Көчмөндөр оюнуна кышы менен катуу даярдык көргөнүн айтты.
"Даярдык катуу болду. Ансыз байге утуу мүмкүн эмес. Мээнетим кайтып биринчи орунду алып отурам. Абдан кубанычтамын. Буга чейинда бир канча байгелерди жеңип жүргөм", — деди Хусейинов.
Арылыгы 1600 метрге жеткен ат чабыш үч жашка чейинки күлүктөр арасында болду. Алдыда дагы ат чабыштын түрлөрү күтүлүүдө.
Эскерте кетсек, Дүйнөлүк көчмөндөр оюндары бүгүн жыйынтыкталат.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.
