Сулуулардын дүйнөлүк сынагы 29-августтан 4-сентябрга чейин өттү. Бул конкурска Кыргызстандан 41 жаштагы Наргиза Осмонова катышкан. 06.09.2016, Sputnik Кыргызстан
Сулуулардын дүйнөлүк сынагы 29-августтан 4-сентябрга чейин өттү. Бул конкурска Кыргызстандан 41 жаштагы Наргиза Осмонова катышкан.
БИШКЕК, 6-сен. — Sputnik. "Аалам айымы-2016" эл аралык сынагында Кыргызстандан барган Наргиза Осмонова "Миссис Бизнесвумен" номинациясына ээ болгонун Sputnik Кыргызстан агенттигине улуттук сынактын уюштуруучусу Рысгүл Намазбекова билдирди.
70 өлкөнүн сулуу айымдары катышкан дүйнөлүк сынак Кытайдын Гуанчжоу шаарында 29-августта башталган. Ал эми конкурстун финалы түндө өттү.
70 өлкөнүн сулуу айымдары катышкан дүйнөлүк сынак Кытайдын Гуанчжоу шаарында 29-августта башталган. Ал эми конкурстун финалы түндө өттү.
"Биринчи күнү Осмонова Кыргызстанда тартылган видеролик сунуштады. Анда өлкөдөгү аялдардын орду, аларга жасалган зомбулук менен күрөшүү чаралары баяндалган. Андан соң сынактын улуттук көйнөк бөлүмүндө кыргыз кийимин кийип чыкты", — деди Намазбекова.
Эки кыздын энеси жана бир неберенин таенеси 41 жаштагы Осмонова буга чейин да сулуулар сынагына катышып, 2014-жылы "Дүйнө ханышалары" сынагында экинчи орунду жеңип алган.
