БИШКЕК, 5-сен. — Sputnik. Куба бийлиги Өзбекстандын президенти Ислам Каримовдун өлүмүнө байланыштуу дүйшөмбүнү аза күтүү күнү деп жарыялаганын аталган өлкөнүн Cubadebate өкмөттүк порталы кабарлады.
Республиканын мамлекеттик кеңешинин жарлыгына ылайык, аза күтүү жалпы өлкө боюнча саат 6.00дө башталып, түнкү 12.00дө аяктайт (учурда Кубада саат түнкү 2).
Бул күнү мамлекеттик орган имараттарында жана аскердик мекемелерде туу түшүрүлөт.
Өзбекстанды чейрек кылымдан ашуун башкарып келген туңгуч президент Ислам Каримов 79 жаш курагында дүйнө салып, 3-сентябрь күнү кичи мекени Самаркандда сөөгү жерге берилди.
