БИШКЕК, 5-сен. — Sputnik. Кыргызстандын Чек ара кызматы кыргыз-өзбек чегиндеги көзөмөл пункттарында жарандарды өткөрүүгө чектөө койду. Бул тууралуу аталган мекеме билдирди.
4 Аяк оона 2016, 13:22
Маалыматка караганда Дүйнөлүк көчмөндөр оюндары менен КМШ өлкө башчыларынын саммитине даярдык иштеринен улам КРдин Чек ара кызматы күчөтүлгөн тартипте иштөөгө өткөн.
Ал эми кыргыз-өзбек чек арасындагы чектөө аракеттери 3-сентябрдан тарта көрүлүп келет. Мында Кыргызстандан же Өзбекстандан мекенине кайтып келе жаткан жарандар үчүн чек арадан тоскоолдук жаралбайт. Ал эми үчүнчү мамлекеттердин жарандары белгиленген тартипте өтөт.
Буга чейин Өзбекстандын чек арага жакын аймагында өзбек жоокерлер аскердик окуудан өтүп жатканы кабарланган.
