БИШКЕК, 3-сен. — Sputnik. "Ысык-Көлдү алтын куму-2016" деп аталган кум эстеликтеринин фестивалы ачылгандан бери ага үч миңден ашуун киши келип көрүп кеткенин Дүйнөлүк көчмөндөр оюндарынын катчылыгы билдирди.
21 Баш оона 2016, 18:17
Көчмөндөр оюндарына, Тарых жана маданият жылына, ошондой эле Кыргызстандын эгемендүүлүгүнүн 25 жылдыгына арналган фестивалга Кыргызстандан 14, Казакстандан 6 жана Өзбекстандан бир скульптор менен бардык каалоочулар катышууда.
Фестиваль этно-концерт менен коштолуп, сентябрдын аягына чейин созулат.
Sputnik Кыргызстан маалымат агенттиги жана радиосу аталган фестивалдын расмий медиа өнөктөшү болуп саналат.
