ОШ, 1-сен. — Sputnik. Ош шаарында Нурсултан Назарбаевдин каржылык колдоосунда курулган "Жетиген" мектеп лицейинин ачылыш аземи болуп, пайдаланууга берилди. Буга премьер-министр Сооронбай Жээнбеков, Ош шаарынын мэри Айтмамат Кадырбаев жана жергиликтүү бийлик өкүлдөрү катышты.
![Ош шаарында Нурсултан Назарбаевдин каржылык колдоосунда курулган Жетиген мектеп лицейинин ачылыш аземи болуп, пайдаланууга берилди Ош шаарында Нурсултан Назарбаевдин каржылык колдоосунда курулган Жетиген мектеп лицейинин ачылыш аземи болуп, пайдаланууга берилди - Sputnik Кыргызстан](https://sputnik.kg/img/102891/68/1028916838_0:125:1031:774_600x0_80_0_0_b4dd69e8ca47ab204ffbe8e5022fe90f.jpg)
![Мектепти курууга 67 миллион сом жумшалган. Мектепти курууга 67 миллион сом жумшалган. - Sputnik Кыргызстан](https://sputnik.kg/img/102891/68/1028916890_0:87:1031:736_600x0_80_0_0_2cab57abb185c8a27c9b3440abb7ab8c.jpg)
Өкмөт башчысы Жээнбеков салтанатта бул мектептен кыргыз-казак элинин достугуна данакер болуучу балдар тарбияланып чыгат деген пикирин айтты.
"Мектепте окуу кыргыз, орус жана англис тилинде жүргүзүлөт, 500 орунга ылайыкташтырылган, бирок 550 окуучуну кабыл алдык", — деди аталган билим уясынын директору Кыялбек Акматов.
Анын айтымында, быйыл окуучулар 8-класска чейинки класстарга гана кабыл алынып, келерки жылы 11-класстар кошулат.
Мектепти курууга 67 миллион сом жумшалган.