БИШКЕК, 1-сен. — Sputnik. Үстү жабылган IMG Worlds of Adventure көңүл ачуучу паркы Дубайда ачылганын РИА Новости маалымат агенттиги билдирди.
Дубайдын башкаруучусу, Бириккен Араб эмирлигинин шейхи Мохаммед бен Рашид Аль-Мактум парк менен шаршемби күнү барып таанышып, анын ачылышын жасады. Жалпы аянты 140 миң чарчы метрди ээлеген аймактагы курулуштарга миллиард доллардан ашык каражат корогон.
Паркты кургандар бул жай дүйнө жүзүндөгү бардык туристтерди кызыктырат деп ишенет. Бир чатырдын алдында Cartoon Network жана Marvel, IMG Group уюмунун оригиналдуу долбоору, Lost Valley-Dinosaur Adventure динозаврлар паркы менен IMG Boulevard оюн аянтчалары камтылган.
Парк 1,6 миңден ашуун кишини тейлейт. 4,5 миңден ашык машина токтотуучу орун бар.
