БИШКЕК, 28-авг. — Sputnik. ЕАЭБ айдыңындагы оюнчуктардын коопсуздугу психологиялык-педагогикалык экспертизанын алкагында текшерилиши мүмкүн экенин Евразиялык экономикалык комиссия билдирди.
Маалыматка ылайык, бейшемби күнү техникалык жөнгө салуу боюнча консультативдик комитеттин жыйыны өтүп, анда санитардык, ветеринардык жана фитосанитардык коопсуздук маселелери каралды.
"Оюнчуктардын коопсуздугу жөнүндө" долбоорунун коомдук талкуусу үстүбүздөгү жылдын 30-ноябрына чейин узартылды. Мында психологиялык-педагогикалык экспертиза киргизилиши мүмкүн", — деп айтылат билдирүүдө.
Жыйын катышуучулары киргизиле турган айрым өзгөртүүлөрдү колдоп, ЕЭКтин коллегиясына жөнөттү.
